الحلقه السادسه 

الحلقه السادسه
بعد الانتهاء من صلاه الفجر جلسوا سويا يتحدثون لكى يخفو من وطأه ما اصابهم
فاذا بالسجان يلقى شخصا اخر معهم ولكنه كان شديد الاعياء يكسو وجهه الدم ويغلب علي جسمه الكدمات
بعد ان ذهب السجان اسرعو اليه ليتبينو ماذا اصابه
مؤمن : لا اله الا الله انت كويس
زياد : بصوت خافت الحمد لله
حاولو يقوموه كلهم وحاولو يغسلوا وشه ويشيلو الدم ده ويعملولو بعض الاسعافات الاوليه رغم ان مفيش اي حاجه تساعد بس حاولو ع قد مايقدرو
عمر : حاسس انك بقي احسن
زياد: اه الحمد لله
خالد : طب احنا هنسيبك تستريح شويه لانك مرهق وتعبان
زياد : انا متشكر اووى ليكو
محمد : شكله صغير
سليم : فعلا صغير بس ايه اللي بهدله كده وايه السبب انهم يجيبوه هنا
خالد : انا مش عارف بس معقول بقي القبض عشوائي
عمر : متستغربش اللي جاي كتير واكتر
**********************************************
ريم : قمر ياساره ماشاء الله
ساره : عقبالك ياريمو لما افرح بيكي كده
ريم : لا انا مش هاسيب ماما ابدااا
ساره : ايه الدموع اللي ف عنيكي دى ياريم
ريم : دى دموع الفرحه بقي
ساره : بتاخد ريم ف حضنها ودموعهم تنزل
سامر : ايه المشهد الرومنتيكي تيكى ده
ريم : قطعت علينا اللحظه ياابيه
سامر: طب انا مليش حضن من ده ولا ايه
ساره : اكيد ليك طبعا وتغمز لريم
ريم : اكيد ياابيه
يوقعو سامر ع السرير ويشتغلو ضرب بالمخدات
سامر : حراام عليكو همووت مش عايز حضن خلااااص
ام سامر : مش هتبطلو شغل عيال يالا الناس بره
ساره : سامر :ريم: حاضر ياست الكل
********************************
فريده وبيرهان قاعدين قدام العنايه
بيرهان : ماما ارجوكى لازم ترتاحى كده هتقعى منى
فريده : مقدرش يابنتى ارتاح ازاى وابوكى هنا واخوكى لحد دلوقت منعرفش فين
بيرهان : انا كلمت حنان سالتها عليه وعرفتها ان بابا تعبان وقالتلى انها متعرفش حاجه عن محمد بعد ماكان مع صحابه
فريده : انا مش عارفه قلبي مش مرتاح حاسه ان فى حاجه
بيرهان : ان شاء الله خير انا لاسف مش معايا رقم اى حد من صحابه
فريده : وحنان متصلتش خالص ولا جت ولا هى ولا مامتها
بيرهان : لا ياماما
فريده : انا هاقوم ارتاح يابيرهان انا فعلا مش قادره اقف علي رجلي
بيرهان قومى ياماما متقلقيش انا موجوده هنا لاى جديد
****************************************
فى المعتقل
زياد بيفوق
مؤمن : ها حاسس بايه يابطل
زياد : لا تمام
محمد : بس شاب صغير زيك ايه جابه هنا وليه
زياد : كنت في مظاهره
عمر : انت عندك كام سنه
زياد : 16 سنه
سليم : نعم وازاى تيجي هنا وايه بهدلك كده
زياد : انا كنت ف مظاهره واتمسكت وطبعا لازم يرحبو بيه هنا فاتاخدت واخدت التشريفه وجيت هنا زى ما انتو شوفتو
خالد : بلد ****** حتى العيال بقو بياخدوهم مبقوش بيميزو خلاص
زياد : لا ياعم انا راجل
عمر: وارجل من كتير يابطل خالد ميقصدش
زياد : للظلم نهايه واخر الضلمه نور مهما ضربو ومهما حبسو هيلاقو اسود
واقفين بندافع عن حقنا وحق اللى ماتو ولو ايه حصل عمرنا ماهنخضع
مؤمن : ربنا يبارك فيك يا
زياد : اسمى زياد
مؤمن : وانا مؤمن وده محمد وعمر وخالد وسليم
زياد : اهلا بيكو بس انتو جيتو هنا ليه
محمد : لحد دلوقت منعرفش
زياد : يبقي اكيد عشان انت ملتحي يامؤمن وخدوهم ف الدوكه
سليم : وايه المشكله انه ملتحلى
زياد : انت متعرفش ان ف ابلد هنا اى ملتحي ارهابي
ودخل عليهم السجان
ياترى ايه هيحصل .......
*****************************
محمود : مكنتش اعرف انك قمر اوى كده
ساره : بتكسف وتسكت
محمود : مممممممم هنقضيها سكوت بقي
ساره : طب اقول ايه
محمود : يالهوووووووى بصى انتى تقولى ورايا
ساره : بتكسف اوى حاضر
محمود : ب
ساره : احم احم
محمود : ايه ده حرف بسيط قولى يالا ب
ساره : ب
محمود : ح
ساره : تسكت
محمود : ممممم طب اجيبلك سامر يغششك
ساره : بتكسف اوووى ح
محمود : مممممم سامر مؤثر ب
ساره : ب
محمود : ك
ساره : احم احم ك
محمود : تبقي ايه
ساره : اللي هيى ايه ادى
محمود : يقربها منها ويبص في عنيها
بـــحـــبك
ساره : وشها يحمر وتبص فى الارض
سامر : الف مبروووك ياعرير الف مبروك يازاره
محمود : اهو جه اتبسطتى
ساره : بتضحك ووشها احمر جدا
سامر : مالك انحنود احبيبي خليكى روييييييح كده ياجدع وقوم الرجاله عايزينك بره
محمود : طب قوم وانا جاي
سامر : لا هما قالولى اجيبك معايا
محمود : ابو الغتاته يالا
قرب ع ساره هتوحشينى
سامر : اريال انا ياسطى ولا ايه مش فاهمك
ساره : تتكسف اوى وشها يحمر
محمود : عدى ياسامر ده انت ايامك بيضه معايا
سامر : عدى يانحنوح
*******************************************
بيرهان قاعده لوحدها وش عارفه تعمل ايه
وقلقانه اوى علي محمد
فجاه تجيلها فكره
بيرهان : السلام عليكم
نور : وعليكم السلام ازيك يابيرى
بيرهان : تمام يانور اخبارك ايه
نور : تمام بخير
بيرهان : انا عايزه اطلب منك خدمه
نور: اؤمريني ياقلبي
بيرهان : بابا تعبان اوى ف المستشفى وانا لوحدى ومش عارفه اعمل ايه محمد مختفي من امبارح
نور : لا اله الا الله طب وعمو عامل ايه دلوقت
بيرهان : والله لسه ف العنايه انا مش عارف اتصرف لوحدى وتبدا دموعها تنزل
نور : طب اهدى ياحبيبتى برده عمر مختفى من امبارح مش عارفين هو فين دى اول مره ومبايله مقفول
بيرهان: والحل هنعمل ايه
نور : مش عارفه والله هو فين بس اكيد محمد معاه ان شاء الله هتتحل انا جيالك دلوقت
بيرهان: مش عايزه اتعبك
نور : يالا ياهبله مفيش تعب بين الاخوات
يخرج الدكتور من اوضه باباها وهي ماخدتش بالها انه دخل قلبها هيقف من الخضه وعماله تتمتم ايات من قران ف سرها استر يارب
ياترى حصل ايه

الحلقه الخامسه 

 يقطع حديثهم صوت رنه تليفون محمد فيرد لتتغير معالم وجهه وتتقلص حدقته و يطلق شهقه و من ثم يقول : انا جاى حالا , فيقف الجميع خلفه فى ذهول عند وقوفهم جميعآ و توجههم خلف محمد الى عربته المركونه بالشارع الهادئ المجاور للمقهى .. يقطع هرولتهم اصوات عربات الشرطه المستفزه .. ينزل منها العديد من المخبرين مهرولين و يتجهون ناحيتهم بهمه و سرعه و على و جوههم آثار الحنق . فيتسمر الجميع منتظرين ما هو آتى ..
ظابط: انت مؤمن عبد الرحمن
مؤمن : ايوه انا
الظابط يشاور للعساكر : هاتوهم
محمد : حضرتك معاك اذن من النيابه
الظابط : انت هتعرفنى شغلي ياد ف القسم هتعرف ياحيلتها
محمد : سكت عشان ميستفزوش
خالد : وانا مش ماشي لما تورينى اذن النيابه
الظابط : شكلك عايز تتربي وتعرف انت بتكلم مين
والقوه تغلب الشجاعه
اخدوهم القسم
واترمو كلهم ف الحجز من غير اى سبب
ولسه معرفوش ايه السبب اللى خلي محمد يجري كده
**********************************************
ريم ف اوضتها
مخنوقه جداا كاتمه عياطها عشان محدش يحس بحاجه بقت فى موقف صعب حبها لمحمود كل ده هباءا
محستش بنفسها الا وهى بتكتب
وجودى فى واقع مؤلم كهذا له سببان انا وانت
لم اعلم للحب طعما سوا بك
ولم اعلم للجرح الما الا منك
رسمت لنفسي احلاما فوق احلما
فايقظتنى انت منها بدلوا من الثلج
رايت الحب لاول مره بك
ورايت الحزن والتحطم امام عينيك
احببتك واحببت اختى فما هو مصيري الان
اللهم انت ربي احن علي واحن علي قلبي فاهدنى وابعنى عنى الهم والحزن
افاقت من شرودها علي نداء والدتها
ام سامر : ياريييييييييم ياريييييييييييييم
ريم : ايوه ياماما
ام ريم : ايه يابنتى انتى فين كل ده
ريم : معلش ماخدتش بالى
ام ريم : طب يالا ياحبيبتى عشان تساعدينى ف الاكل وساره هتظبط البيت عشان قرايبنا هيجو انهارده وانا مش ملاحقه
ريم : حضر ياماما
*****************************
في المعتقل
خالد : ازاى ياخدونا كده دول حتى رمونا ع الحجز من غير اى استجواب
عمر :وده اللي انا كنت متوقعه
مؤمن : بكل هدوء وابتسامه عشان صاحبك ملتحى وارهابي
سليم : ارهابي ازاى وصاحبه مين
محمد : مؤمن بيتريق ياسليم قصده عليه هو
علامات الحنق علي الجميع من صدمه الموقف نسي محمد التليفون فجاه صاح
محمد : انا لازم اخرج من هنا لازم اخرج
عمر : في ايه يامحمد اهدى احنا لازم نشوف حد يضمنا
خالد :انا مش عارف ايه ام الداخليه بنت ال **** اللى مش عايزه تنضف دى عمالنا زفت ثوره وبرده هى زى ماهي
مؤمن : اصبر واحتسب ياخالد
سليم : ساكت من الصدمه ومش عارف ايه بيحصل
مؤمن : طب يالا نصلي ياشباب
اه ومفيش خنا صلاه جماعه كل واحد يصلى لوحده ممنوعه
خالد : ده اللى هو ازاى
عمر : معلش ياخالد نعدى اى حاجه دلوقت لحد مانشوف البلوه دى
محمد : فجاه اترمى ع الارض وبيبكى
كلهم اتخضو لمو شافوه كده
عمر : ايه يامحمد في ايه لحد دلوقت معرفناش التليفون اللى جالك
مؤمن : محمد مالك فى ايه اتكلم
محمد : بابا خسر اسهمه في البرصه وجاتله ازمه قلبيه ونقلوه المستشفى وانا مرمى ف السجن وسايب امى واختى لوحدهم بره
وضع وجهه بين كفيه وانهمر في بكاءه وعجزه عن الذهاب لرؤيه والده
مؤمن : لا اله الا الله ربنا يقومه بالسلامه يامحمد خليك قوى هتفرج باذن الله
عمر : متخافش يامحمد احنا بكره اكيد هيستجوبونا وهتتحل
خالد : طب احنا لازم نكلم حد
سليم : انا لحد دلوقت حاسس انى بحلم مش مصدق فعلا ده حقيقي احنا ف الحجز
وكل يبكى علي ليلاه
********************************
بيرهان :ارجوكى ياماما اهدى ادعيله
فريده : يااااااارب قومه بالسلامه يارب
بيرهان : انا مش عارفه محمد اتاخر كده ليه
فريده : استرها يارب
وفجاه خرج الدكتور
فريده : خير يادكتور طمنا
الدكتور : ازمه قلبيه وللاسف مش هاكذب عليكو الوضح حرج ادعيلو
هو تحت الملاحظه ي رب تمر 48 ساعه دول علي خير
فريده : بانهيار يارب ياااارب احفظه يارب
**********************
المعتقل
مؤمن: ادعيله يامحمد ادعيله ربنا ينجيه
محمد : امى واختى لوحدهم يامؤمن
مؤمن : متخافش يامحمد ربك مبينساش عبده
محمد : ربنا ينجيه يارب ويحفظه
سليم : احنا هنفضل هنا كتير
مؤمن :
(فَاصْبِرْ كَمَا صَبَرَ أُوْلُوا الْعَزْمِ مِنَ الرُّسُلِ وَلا تَسْتَعْجِل لَّهُمْ كَأَنَّهُمْ يَوْمَ يَرَوْنَ مَا يُوعَدُونَ لَمْ يَلْبَثُوا إِلا سَاعَةً مِّن نَّهَارٍ بَلاغٌ فَهَلْ يُهْلَكُ إِلا الْقَوْمُ الْفَاسِقُونَ )
عمر : انا بس مش عارف ف ايه والله ع الاقل يعرفونا
خالد : ويعرفوك ليه ماعى بلد ماشيه بال *****
مؤمن : طب تعالو ندعى الدعاء ده وننام ساعتين قبل الفجر وربنا هيحلها
اللهم إنى أشكو إليك ضعف قوتى و قلة حيلتى و هوانى على الناس يا أرحم الراحمين يا أرحم الراحمين يا أرحم الراحمين أنت ربى و رب المستضعفين إلى من تكلنى إلى بعيد يتجهمنى أم إلى عدو ملكته أمرى,إن لم يكن بك على غضب فلا أبالى و لكن عافيتك هى أوسع لى,أعوذ بنور وجهك الذى أشرقت به الظلمات وصلح عليها أمر الدنيا و الآخرة من أن تنزل بى غضبك أو يحل على سخطك(ولك العتبى حتى ترضى) ولا حول و لا قوة إلا بالله العلى العظيم
ينامو ويصحو يصلو الفجر
والمفجاه بقي انهم .........
استنو الحلقه الجايه

x

الحلقه الرابعه

الحلقه الرابعه
مؤمن : خلاص بكره يامحمد متنساش المعاد
محمد : خلاص تمام
مؤمن : في رعايه الله السلام عليكم
محمد : وعليكم السلام
****************************
يتقابلو يوم الخميس
يسلمو علي بعض ويقعدو ف القهوه بتاعتهم
خالد : انا مش عارف هنفضل لحد امته ساكتين كده نظام فاسد بناخده وراثه امته هننضف
محمد : اهدى بس ياعم والله انا خايف عليك تتاخد مننا في اى وقت
مؤمن : عارف المشكله في ايه المشكله ان الدين دلوقت بقي بالنسبالهم ارهاب بغض النظر عن الفساد اللي بنشوفه وكميه البزاءه اللي موجوده دلوقت بس اللي لاحظته ان الاعلام رسم للشعب صوره معينه ان اى حد متدين يبقي اخوان يبقي ارهابي وش واديكو شوفتو اتقبض عليه مرتين بسبب الدقن
عمر :متقلقش كل يوم النظام بيقرب نهايته ب ايده
مؤمن : يمهل ولا يهمل انا متاكد ان الموضوع مش هيطول وده من غضب ربنا علينا جابلنا حاكم ظالم
سليم :ظالم ايه ياعم ده الناس بتحبه وله شعبيه جامده انت مش شايف الخير اللي بيعمله والاخوان كارهين البلد وبيشوهو صورته انتو اللي مش عايزين المراكب تمشي ياعم الراجل يعملكو ايه ماتسيبوه يشتغل
عمر :مين الاخوان ؟ ده الطرف التالت صح ؟ المغفل اللى بيلبسوه الليله و يمسكوه السلك عريان ؟ هه هم يضحك واللهى
خالد : انت عارف المشكله في ايه؟
ف الشعب العبيط اللى لسه بيصدق الاعلام والطرف التالت المجهول من ايام 25 يناير وهو اللي بيدمر وان 25 يناير صناعه امريكيه وبقدره قادر بقت ثوره قوميه وكمان اجازه احنا شعب بيزيط في الزيطه الحر بياخد ع قفاه وتتملي بيه السجون والعبيط سيبينه اصله خلاص عملوله غسيل مخ
سليم : سكت ومش عارف يقول ايه
بس برده الاخوان خربوها الحمد لله انهم مشيو دول ارهابين ده مرسي كانت بيتخابر وغير التهم الكتير اللي عنده
ده اصلا رد سجون ازاى مسك رئيس دوله
عمر : يضحك ضحكه سخريه ؟ انت جايب الكلام ده منين ؟
سليم : انت مشوفتش ازامات الغاز والكهربا يابنى كان بيصدرها لغزه ويسيبنا متسوحين هنا وكل ده وكمان الاطفال اللي كانو بيموتو في الحضانات والعمليات اللي كانت بتتعمل بكشاف الموبايل
عمر :
اه شفت ازمات الغاز اللى لسه موجوده و شفت كمان ازمه الكهربا و شفت الاطفال و الجنود و الشباب و النساء و المتظاهرين و الثوريين و هم بيموتوا
انت عارف انا شفت ايه كمان ؟
سليم : يبصله ومستغرب من طريقته
عمر :
شفت قهر و قمع و ظلم و عسف و استبداد , شفت ان مفيش حاجه اتغيرت شفت اخواتى و هما بيموتوا جنبى ف المدرج قدام عيون الحكومه و محدش رفع ايده يدافع عننا شفت اخويا و هو بيموت و يقولى متسيبش حقى شفت دمه بيغرق جسمى و مش عارف اشيله و هو ميت و ابصله و انا بجرى و عينى متعلقه فيه , يومها انا مكنتش خايف م الموت و كان ممكن افضل حاضنه لحد م اموت معاه , لكنى سيبته عشان انفذ و صيته اللى عمرى م نسيتها ولا هنساها !! عايز تعرف انا شفت ايه تانى ولا كفايه عليك كده
سليم : سكت ومتاثر من كلام صاحبه
عمر : بتظهر في عيون اثار للدموع فيكفكفها
انا هاقوم اجيب سجاير اجيب لحد فيكو حاجه
محمد : لا بس متتاخرش
مؤمن : عارف انت اصدرت حكمك من غير ماتعاشر ثوار بجد شافو الموت بعنيهم اخواتهم وصحابهم غرقو ف دمهم مستسلموش يوم كان عندهم اصرار وعزيمه تهد جبال لا للقمع نعم للحريه مكنش فى صالحنا حاجه واحده وكانت اقوى سلاح بنتحارب بيه عارف هو ايه الاعلام طعنونا ف ضهرنا
قالو علينا ارهاب قالو علينا قتله قالو بنتاجر ف الدين قالو بنبيع مصر قالو كتير
عارف لو يوم جيت معايا رابعه كنت شوفت بعنيك
كان معانا سلاح قوى فعلا مكدبش عليك وده اللي معرفوش يجيبو زيه
كان معانا ايمانا بربنا كان معانا قوتنا بوحدتنا كان معانا قرءانا واحتسابنا ووقوفنا قدام الظلم
انا متاكد ان كل دى اسلحه مكنتش معاهم
مجربتش انت تكون ف بيتك مع زوجتك وتلاقى اللي جايين ياخدوك
متخيل منظرك وانت مش عارف تحمى زوجتك ولا نظرات الفزع اللي ف عيون ولادك
كل ده عشان ايه عشان ملتحى او بيشكو فيك انك بتنتمى لجماعه محظوره
يتنهد تنهيده كبيره
ربنا هيحاسبنا كلنا محدش هيفلت من عقابه انا مش عارف اقولك ايه ولا ايه
حكمتوا علي واحد انه فاشل من سنه
من تطبيل الاعلام وهجومهم علي الاخوان بينلكو كل حاجه وحشه مجابش ولا ميزه كل ده كل ده ومفكرناش اننا مستلمين البلد خراب
نظام فاسد احتلنا 30 سنه
عايز ايه
يسكت سليم ومش عارف يرد لانه فعلا جاهل وبيكتفى بمعلومات التلفزيون
محمد : انا اللي بستغربه دلوقت اسلوب القمع الرهيب اللي شغال صحابنا كلهم فى المعتقلات حتى الاطفال والنساء مبقوش بيميزو خلاص
يدخل عمر مقاطعا حديثه : قبل م نتكلم ع القمع
و بعيدا عن طريقه الفض و القمع
الاخوان كانوا افشل فصيل مسك مصر , حتى افشل من مبارك نفسه
خالد :ممممممم بس منحكمش عليه من سنه
عمر :انك تبدل حكم ديكتاتورى مستتر تحت العبائه الديموقراطيه فى و قت قياسى اللى حضرتك تقولى منحكمش عليه فيها , يبقى لو سيبناه سنتين كان مصر ضاعت
مؤمن : انت عملت ثوره علي حكم طال فساده 30 سنه وعشان اكون عادل اخر 10 سنين بعدها قامت ثوره وجه رئيس منتخب ملكش الحق تحاسبه الا بعد مايخلص مدته
كمان انت ناسي ان مصر كانت خرابه وهو بيحاول يصلح فيها
عمر :قصدك خرابه و بيحاول يحتلها , انت عارف ناس قد ايه ماتت عشان تشيل نظام سيطر على كل مفاصل الدوله !! اننا نبدل فصيل ديكتاتورى متسلط ب واحد تانى اكتر منه . هنبقى سلمنا البلد تسليم اهالى و بعدين تعالى نتفق على ألا نتفق , لأن اختلافنا و تقبل كل منا الاخر هى دى البدايه الصحيحه للثوره الاولى اللى لسه مبدأتش
يقطع حديثهم صوت رنه تليفون محمد فيرد لتتغير معالم وجهه وتتقلص حدقته و يطلق شهقه و من ثم يقول : انا جاى حالا , فيقف الجميع خلفه فى ذهول عند وقوفهم جميعآ و توجههم خلف محمد الى عربته المركونه بالشارع الهادئ المجاور للمقهى .. يقطع هرولتهم اصوات عربات الشرطه المستفزه .. ينزل منها العديد من المخبرين مهرولين و يتجهون ناحيتهم بهمه و سرعه و على و جوههم آثار الحنق . فيتسمر الجميع منتظرين ما هو آتى ...
ياتري ايه اللي هيحصل

الحلقه التالته 

الحلقه التالته
وتحصل مفجاه مكنوش متوقعين وصويت جاامد
وسامر عمال يضحك والبنات يبصولو بصه غيظ
ساره : انت مش هتبطل حركات العيال بتاعتك دى
سامر : ده حته تعبان لعبه يازاره
سلمي : حرام عليك بجد ووقعت قلبي
محمود : الله يكون في عونها مراتك يابنى
سامر: اطلع انت منها يابرنس هي راضيه وانا عارف
سلمى :
ام سامر : ربنا يكملك بعقلك يابنى
سامر : بذمتكو تعرفو تقعدو من غير
ريم : بصراحه لا ياابيه
ابيه لسه فاضل اسبوعين ع الدراسه عايزه اتفسح
محمود : ريم عندها حق عايزين كلنا نخرج حتى قبل اجازتى ماتخلص
ريم : وجوها سعاده مش عارفه مصدرها وابتسامه لاخر ودانها
خلصو اكل
وريم وسلمي وساره ف اوضه
ومحمود وسامر ف اوضه
والكبار مع بعض ف الصاله
سامر : انت مش هتتحرك يابنى بقي
محمود : عايزنى اعمل ايه يعنى
سامر : قوم اطلبها دلوقت
محمود : ياعم بطل جنان مينفعش
سامر : انت خلاص خلصت يامحمود انت عارف انى عايز اختك واللى معطلنى انى اتخرج
محمود : انت شايف كده
سامر : نفسي افهم خايف ليه شقتك وجاهزه وانت خلصت دراسه وشغل عايز ايه تانى
محمود : طب يالا قوم
******************************
ريم : ايوه بقي ياعم التلميحات
سلمى :
ساره : اتلمى يابت كسفتيها
ريم: اااااه يابراحه يازلمى الله ياختى عليها بطه بتتكثف كمان
ده انتى فول اوبشن
سلمى : طب تعاليلي اصل انتى خلاص
ساره : وانا كمان هاساعدك اصلها فقعالي مرارتى من الصبح
ريم : بتمثل انها بتعيط هو كلكو عليه ولا ايه
وفجااه يسمعو صوت زغاريد
كلهم
ويجرو ع الصاله
ريم : ايه ياماما
ام سامر : باركي لاختك ياريم محمود خطبها دلوقت
ريم : وكان حد حط عليها جردل تلج
ساره : اتكسفت جداااا وجريت على اوضتها
سلمى : جريت ع محمود وباسته الف مبروووك يانعنودى
محمود : نفسي اقطعلك لسانك عشان تبطلي نعنودى دى
سامر : عقبال ماتفرحو بيه يااااااااارب ويغمز لسلمى
سلمى : تتكسف وتجرى ع اوضه ريم وساره
ريم : تفوق من الصدمه وتتصنع الفرحه والدموع في عنيها وتقعد تهزر وتضحك
الف مبروووووك ياساره عقبالك يابت ياسلمى اما اخلص منك انتى كمان
ساره : مكسوفه جدااا ووشها احمر
ريم : اول مره اعرف ان عندك دم وبتتكسفي
ساره : بس بقي يابت
سلمى : احنا لازم نخرج انهارده
ريم : صج لازم نخرج
ويتفقو الاهل علي ان الخطوبه بعد اسبوعين ودلوقت قروا الفتحه
يخرجو بليل يتمشو ع البحر
وتقعد ريم ع البحر لوحدها والدموعه متجمعه ف عنيها
وترح لصديقها الصدوق وتحكيله ع اللى ف قلبها وتمسك قلمها وتحكيله
صديقي :
لقد ظننت انه سياتى اليوم لاحضره بجانبي وتباركنا
لقد رسمت احلاما ونسجتها امامك
كنت الشاهد الوحيد علي حبي
كم من المرات اتيت اشتكي وجع قلبي
كم من المرات اتيت اشتكي اهماله
لم اكن اعلم اننى لم اكن له
ولم اكن اعلم انه يحب اختى
اختى صديقتى حياتى كل مااملك
سيظل حبي دفين ولن يعلمه غيرك
ستظل انت من يشعر بيى ومن الجا اليه
سامر : ست البرنسيسه بتعمل ايه وايه الدموع دى
ريم : تمنت ان تلقي نفسها بين احضان اخوها ولكنها كعادتها اخفت المها
لا ياابيه ده ف رمل جه ف عينى
سامر طب يالا عشان نتعشي معقول مجوعتيش
ريم : ايواااا بقي ياابيه يامظبطنا عقال ماافرح بيك بقي
سامر : ادعي بقي ها وخلي اللي جنبك دى تدعى
سلمى :
سامر : اموت انا ف الكسوف ده
محمود : اييييييييييه لوكلوك يالا انا خلاص مش قادر
سامر: انت خلاص عشان بقيت عريس بتتنطط علينا محدش قدك
محمود :الله اكبر الله اكبر
كلهم ضحكو وراحو عشان يتعشو
********************
مؤمن : مبروك ياعريس
محمد : الله يبارك فيك عقبالك يااارب
مؤمن : انا بصراحه كنت عايز اكلمك في موضوع ممهم
محمد : خير يامؤمن
مؤمن : بكره الخميس بعد الاجتماع نتكلم
ياترى مؤمن عايزه ف ايه

ياترى الاجتماع عباره عن ايهx

الحلقه التانيه 

الحلقه التانيه
وسط نظرات الغيظ الكتيره دى يتفاجئو بدخان جامد اووى وكلهم يتخضو وفجاه يلاقو صوت شماريخ وضحك
مين دول بقي
دول شله المجانين ورئيسهم خالد
خالد : الف مبروك ياعريس بندحرج المسا يابرنس
محمد :ههههههههههههههه يخرب عقلك انت مش هتعقل ياد
مؤمن : انت كده بتشتمه يامحمد
عمر : اشطه بقي يابرنس هتربطك جنبها ومفيش خروجات وسهر
محمد: اسكت الله يهديك ههههههههههه
سليم : انت والنعمه اتجننت رايح تتجوز وبيت بقي وعيال ويطلعلك كرش ههههههههههههههههه وتبقي اقرع ده انت هتبقي مسخره
محمد : كلنا لها يابنى هنعمل ايه
حنان : قاعده مدايقه عشان عمال يهزر مع صحابه وناسيها خاااااااااااااالص
مؤمن بيلاحظ ده
مؤمن: حنان مالها يامحمد
محمد : ده موضوع كبير هابقي احكيهولك بعدين
مؤمن : مهما كان الموضوع ميصحش تسيبها كده دى برده خطيبتك وانت بتحبها من زمان مش مجبر عليها
محمد : حاضر يامؤمن
تخلص الخطوبه ومحمد يقعد مع حنان
محمد : هتفضلي مبوزه كده
حنان :..............
محمد: انا بكلمك ع ف
حنان :انت شايف اللى انت عملته يامحمد
محمد: غصب عنى ياحبيبيتى والله اعصابي اتحرقت من اللى حصل
حنان : طب ليه تنكد عليه يامحمد يوم خطوبتى
محمد : يعنى انا اللي متنكدش عليه ياحنان
حنان : بس انا مليش ذنب يامحمد احنا كنا مستنين اليوم ده من زماان وتيجي انت تقفش كده ومكنتش عايز تكمل الخطوبه يامحمد وتبدا تعيط
محمد : خلاص بقي يانونا انتى عارفه انى مستحملش دموعك دى
حنان : ....................
محمد : خلاص بقي ياحبيبتى ويطبع قبله رقيقه علي اديها
حنان: وابتسمت ابتسامه رضا
محمد : عاملك مفاجاه بقي انهارده
حنان : بجد يابيبي
محمد : بجد ياقلب البيبي
حنان : اتكسفت
محمد : بحبك
حنان : بكسوف وانا كمان
محمد : ياخراشي ياناس بسكويته
سعاد (مامه ريم ) : ريم ياحبيبتى قومى يالا عشان نجهز العزومه
ريم : ياماما سيبينى شويه صغيرين كمان
سعاد : ياحبيبتى قومى بس عشان يادوووووب
ساره : سيبك من كسوله هانم ياماما ويالا بينا نبدا
ريم : هو مين اللى جاى
سعاد : عمتك ومحمود وسلمى
ريم : خلاص ياماما هاقوم اهو
سعاد : طب انتى نضفى البيت بقي لحد مانا وساره نعمل شويه ف الاكل
سامر: مين مزعل حبيبه قلبي
ساره: محدش مبوظها غيرك
ريم : بتغيري يازاره
ساره : زاره ! امشي يابت
ويجرو ورا بعض بالمخداات هما التلاته وكانهم اطفال
ريم : بطفوليه يرضيك كده ياابيه زاره تحمل فيه كته
سامر : لا ياقلبي الابيه زاره دى اقطعهالك
ساره : النبي انت اللي هتتقطع خد ياااد
لحد مامتهم تيجي ويبطلو لعب
سعاد : مش هتكبرو بقي يالا ياساره تعالي ع المطبخ وانتى ياريم يالا عشان مبقاااش ف وقت
ريم : وساره : حاضر يافندم
تمشي مامتهم وياخدهم سامر ف حضنه وويضحكو جاامد وبعد كده يجي الضيوف المنتظره
ساره بتخلص الاكل مع مامتها وريم بتخلص شغل البيت
محمود : السلام عليكم
ريم : عنيها بتلمع اول ماتشوف محمود
سامر : الناس اللي عليت علينا ياعم ومبقناش نشوفها وياخدو بعض بالحضن
محمود : والله ابدا ياسامر انت عارف ظروف الشغل
سامر : ربنا يعينك تعالي ادخل
ازيك ياعمتو
ام محمود : ازيك ياسامر يابنى كده برده متجيش تشوف عمتك
سامر : والله ياعمتو الكليه بقي وظروفها انتى عارفه
ام محمود: والكليه دى بتنساها لما محمود بيجي
سامر : خلاص بقي ياعمتو وادى راسك ابوسها
ام محمود : بكاش طول عمرك
سامر : ازيك ياسلمى
سلمى : بكسوف الحمد لله ازيك ياسامر
ريم : زلومتى حبيبتى
سلمى : زلومتك ! قفلتينى ياريم
والكل بيضحك ع تصرفات ريم الطفوليه
بيدخلو ويسلمو والابهات والامهات مع بعض
وسامر ومحمود وساره وسلمى مع بعض
وريم يجيلها تليفون تقوم وتسيبهم
محمود : ازيك ياساره عامله ايه
ساره : الحمد لله يامحمود تمام انت اخبارك ايه
محمود : بخير واخبار دراستك ايه
ساره : تمام كله كويس
سامر: ايه ياعم محمود هو مفيش غير ساره ولا ايه
ساره بتتكسف اوى : طب انا هاقوم عشان احضر الاكل مع ماما
سلمى : كسفتها ياسامر
سامر : بيبص في عنيها اوى تفتكرى اتكسفت
سلمى وشها احمر اوى : انا هاقوم اساعد ساره
ريم : سلمى وساره فين
سامر : ف المطبخ اصل احنا جعانين اوى
ريم : طب انا هاروحلهم بقي
محمود : ايه يافضحى انت
سامر : ايه ياعم انا عملت حاجه
محمود : ساره اتكسفت وبعدين انا لسه مفاتحتهاش ف الموضوع
سامر : وهى هتلاقى احسن منك فين يعنى وبعدين انت ابن عمتها ومتربيين مع بعض
محمود : طب افرض ف حد ف حياتها
سامر : لو كان فى حد يامحمود كنت عرفت دى توامى
وبعدين انجز بقي عشان احصلك
محمود : والله انت مجنون
سامر : والله اختك السبب
محمود : ههههههه ربنا يهديك انا مش عارف اختى هتعيش معاك ازاى
سامر : يعنى هتجوزها لقرد يعنى مانت هتجوزها لبنى ادم اهو
سعاد : يالا ياولاد الاكل جاهز
سامر : حاضر ياماما
عندى ليك فكره هتعجبك هاقولها ع الاكل
محمود : بخاف من افكارك
سامر : ماهو انت صنم ومبتتحركش سيبنى اتصرف
يقعدو كلهم ع السفره
سامر : متجمعين عند النبي ان شاء الله
محمود : يارب ياسامر يارب
ابو محمود : قولى ياسامر انت نزلت اى تدريب السنه دى
سامر : اه ياعمو انا نزلت شركه ......... والسنه دى هاشتغل فيها مع الدراسه
محمود : ايوه بقى ياعم
سامر : بصين لنا فى الشغلانه
وفجاه تحصل حاجه كلهم يقومو مفزوعين بسببها ويجرو والصويت يشتغل
ياترى ايه حصل 

الحلقه  الاولى 

فريده (مامه محمد ) : صباح الخير ياعريس
محمد : صباح الفل ياماما هى الساعه كام
فريده : احنا بقينا الضهر ياحبيبي
محمد : يااه دى حنان اتصلت كتير اوى
فريده : طب قوم كلمها لحد مااجهزلك الفطار

محمد: صباح الخير يانونه
حنان : ده كله يامحمد برن عليك ومبتردش
محمد:معلش ياحبيبتى كنت نايم تعبان
حنان : طب ماما كانت عيزاك
محمد : يادى ماما هو انا هتجوزك ولا هتجوز ماما ياحنان
حنان : كده برده يامحمد عايز تنكد عليه يوم خطوبتى
محمد : ياحبيبتى انا مقدرش بس مامتك طلبتها غريبه اوى ياحنان
حنان : عشان خاطرى ياحبيبي
محمد : طب هافطر واجى
حنان : خلاص هاستناك

محمد : بيسلم ع باباه صباح الخير يابابا
عمران : صباح الفل يامحمد ايه رايح فين كده
محمد:رايح لحنان بتقول ان مامتها عايزانى
عمران : الست دى من يوم قرايه الفتحه وهى حارقه دمى يامحمد
محمد:معلش يابابا يمكن ده كله من خوفها ع حنان وان ملهاش غيرها
عمران : ربنا يسعدك يابنى
محمد : بعد اذنك يابابا
فريده : مش هتفطر يامحمد
محمد : لا ياماما مليش نفس
فريده : طب خد بالك من نفسك

ياخد محمد عربيته وينزل يروح لحنان ويفتكر حبها ليها اللي بقاله 3 سنين وانها قد ايه جميله وبريئه لولا تدخل مامتها الدائم في حياتها وانها سبب المشاكل وانهارده هيبقي اول يوم فى بدايه حياتهم قدام كل الناس والعقبه الوحيده اللى عنده مامتها وكل مايفتكر موقف قرايه الفتحه يتحرق دمه
فلاش باك
ايمان (مامه حنان ) : الشبكه هتبقى ب 60 الف والفرح بعد ماتخلصو علي طول
محمد : ياطنط انتى عارفه انى لسه بادرس ومش هاخليى ابويه يصرف عليه انا ومراتى ده حتى ميصحش
عمران : المفروض ان الشبكه بتبقي هديه العريس للعروسه يامدام ايمان
ايمان : انا عايزه اطمن علي بنتى الوحيده وفتره الخطوبه متعديش سنه احنا ممعناش راجل ومينفعش ان محمد يطلع ويدخل علينا سنتين وكمان 60 الف مش كتير الا لو انتو مستقلين ببنتى
عمران : احنا مقولناش كده بس 60الف كتير برده
ايمان : مش كتير علي بنتى ياابو محمد انا عايزه اضمن مستقبل بنتى
محمد : وانا هاكلها ياطنط
ايمان : المفروض انك بتحبها يامحمد ومتستخسرش حاجه فيها
محمد : لما اصرف ع نفسي ياطنط اجيبلها الدنيا كلها بس انتى عارفه ان بابا هيساعدنى ف الخطوبه لحد مااشتغل
ايمان : وده اخر كلام يامحمد
عمران : حاول يلم الموضوع عشان عارف ان محمد بيحب حنان خلاص يامدام ايمان اللي انتى عيزاه هيتم نقرا الفاتحه
محمد كان قاعد مش ع بعضه وكان مدايق اوى من تصرف ايمان بس افتكر حنان وحبه ليها
وللاسف كان تعليق حنان علي رد فعل مامتها سلبي واكتفت بالتعليق ع الحوار ان اللى ماما شيفاه صح انا موافقه عليه

يروح محمد عند حنان ها ياحنان خير
حنان : ماما كانت عايزاك
ايمان : حمدلله ع السلامه ياعريس واقف ع الباب ليه
محمد : صباح الخير ياطنط
ايمان : ادخل عيزاك
محمد : بينه وبين نفسه استر يارب
ايمان : بص يامحمد احنا عاملين الشبكه ع الديق يعنى هنكتفي بس بعيلتك وعيلتنا ومش عايزين ناس كتير تحضر يعنى اانا مش هاقلب بيتى قاعه افراح ونادى تعارف بقي من صحاب مامتك وعيلتكو
محمد : ع اخره بصي ياطنط حضرتك طلبتى الشبكه اللى انتى عيزاها وقولنا ماشي طلبتى الجواز بعد سنه وقولت ماشي عشان بحب بنتك عملتى الشبكه ف البيت ورفضتى نحجز قاعه برضه محدش اعترض اما بقي توصل انك تتحكمى فيه وفي عيلتى من دلوقت نعزم مين ومنعزمش مين لالالا كده كتير ياطنط انا فعلا زهقت من كتر اوامرك وتحكماتك اللى ملهاش اى ستين لازمه
ايمان : ده بيتى وانا حره ادخل فيه اللي انتى عيزاه
محمد : وانا اللي ميحترمش اهلى وعيلتى ميهمنيش ف الجزمه
ايمان : انت تقصد ايه
محمد: انا مش هاكمل عشان انا تعبت وده مش اول موقف اعديه بمزاجى ومش عشان بحب بنتك اجى علي اهلي حضرتك تعمدتى الاهانه لاهلي اكتر من مره وانا سكت سلام
حنان : بعياط استنى يامحمد
ايمان : مصدومه من رد فعل محمد

حنان اتصلت بفريده وحكيتلها ع اللي حصل
فريده : اعمل حاجه ياعمران الناس هتاكل وشنا شوف ابنك فين
عمران : ابنك راجل وعنده حق وايمان غلطانه
فريده : والبنت ذنبها ايه في اللي بيحصل
عمران : ذنبها انها معندهاش شخصيه ومش شاريه ابنك زى ماهو شاريها وبتسمح لامها انها تدمر علاقتهم

عمران انا عارف هلاقيه فين

يروح عمران علي البحر فى المكان اللى كان بيروح مع محمد فيه

عمران : كنت متاكد انى هلاقيك هنا
محمد : .......
عمران : انا عارف انك مش غلطان بس ميصحش انك تهرب وتتخلي عنها ومتتنازلش عن حبك بكل سهوله كده ولا ايه يابشمهندس
محمد: يابا غلطت كتير وانا كنت باعدى عشان حنان
عمران : طب انا عارف انك مش هتصغرنى قدام الناس وهتقوم ونكمل الخطوبه علي خير وبعد كده نتفاهم وانت تتكلم مع حنان فى موضوع مامتها ده
محمد: سلبيه اوى يابابا في موضوع مامتها انا حاسس انى هتجوزها هي ومامتها انا اتخنقت
عمران : انت طول عمرك راجل والراجل مبيغلعش في يوم زى ده
محمد : عشان خاطرك انت بس يابابا

تتم الخطوبه ومحمد كان مبوز وباين عليه وحنان بتحاول تدارى دموعها وتكلم محمد ومحمد ميبصش عليها

وجه وقت تلبيس الشبكه ومحمد طلب من فريده انها تيجي تلبس حنان الشبكه وكانت صدمه بالنسبه لحنان متوقعتش انه هيفضل معاقبها كده حتى انه يرفض يلبسها شبكته واليوم اللي بيحلمو بيه من زمان

محمد بيبص بغيظ لحنان
وحنان الدموع في عنيها وبتحاول تداريها
مع نظرات ايمان اللي ادايقت من رد فعل محمد
ويقطع كل النظرات دى دخان جاامد اوى بيصيب الكل بالفزع

ياترى ايه حصل 

ها عرفكو بالشخصيات المهمه اللي هنشوفها كتير وطبعا هنقابل ناس تانيه 

البطل محمد

اخر سنه في كليه هندسه مستوى عيلته الاجتماعى مرموق والده فاتح شركه مقاولات كبيره ووالدته دكتوره وشغاله فى مستشفي كبيره محمد ولد وحيد عند اخت اسمها بيرهان دلوعه اوووى وكان لسه داخله اولى كليه 

حنان 

بنت من عيله في نفس مستوى محمد فى كليه صيدله اخر سنه مع محمد مامتها مسيطره علي تفكيرها جدا مبتعملش حاجه من غير مامتها وللاسف مامتها كانت لاغيه شخصيتها وكان سبب للمشاكل بينها وبين محمد 

البطله ريم 

بنوته رقيقه وجميله من عيله متوسطه باباها موظف حكومى ومامتها ست بيت عندها اخين توام سامر وساره ودول اكبر منها سامر فى كليه حربيه وساره ف اخر سنه في صيدله 

محمود

ابن عمه ريم وريم بتحبه من وهما صغيرين ومتعلقه بيه بس معاملته ليها كانها اخته وكان بيحب واحده تانيه :/





محمد كان عنده 4 صحاب غيره متربين مع بعض وهما صغيرين

خالد : وده ثورجى اوى وكل حياته سياسه وبس دخل كليه هندسه مع محمد
عمر : وده كل تفكيره كوره وخروجات معندوش غير كده كليه  صيدله
مؤمن : وده المتدين اللي فيهم وبيفكر بالدين اكتر فى كل حياته كليه  هندسه
سليم : وده بقي الفاشل اللي ميعرفش فى حياته الا البنات وبس والفاشل ده في كليه صيدله مع عمر


وكلهم في جامعه واحده


وليهم اجتماع كل يوم خميس بيتكلمو فيه عن احوال الدنيا واحوالهم